ಭಯ ಬಾಯಿಗೆ ಬಂದಾಗ....

ಇದು ಸುಮಾರು ಮೂರು ವರ್ಷದ ಹಿಂದಿನ ಸ್ಟೋರಿ... ನೆನಸ್ಕೊಂಡ್ರೆ ಈಗಲೂ ಒಂಥರಾ ಭಯ ಜೊತೆಗೆ ನಾಚಿಕೆ ಜೊತೆಗೆ ಇನ್ನೂ ಏನೇನೋ ಆಗುತ್ತೆ ನಂಗೆ..!!
ಅವತ್ತು ರಾತ್ರಿ... ಸಮಯ ಸುಮಾರು ೧೧.೩೦ ನನ್ನ ಬೈಕ್ ಹಾಳಾಗಿದ್ದರಿಂದ ಕಂಪನಿಯಲ್ಲಿ ನೈಟ್ ಶಿಫ್ಟ್ ಮುಗಿಸ್ಕೊಂಡು ಹದಿನೈದು ಕಿಲೋಮೀಟರು ಬಸ್ಸಲ್ಲಿ ಹೋಗಿ ಮತ್ತೆ ಒಂದೂವರೆ ಕಿಲೋಮೀಟರು ಏಕಾಂಗಿಯಾಗಿ ನಡೆದುಕೊಂಡು ಹೋಗಿ ಮನೆ ಸೇರಬೇಕಾದ ಪರಿಸ್ಥಿತಿ..!! ಅನಿವಾರ್ಯ ಬಸ್ಸನ್ನ ಹತ್ತಿದೆ.. ತುಂಬಾ ರಶ್ ಬೇರೆ ಇತ್ತು... ಹೆಂಗೋ ನೇತಾಡಿಕೊಂಡು ಹೋಗ್ತಾ ಇದ್ದೆ... 
ಅಲ್ಲೇ ಶುರುವಾಗಿದ್ದು ಸಮಸ್ಯೆ ..ಎದುರುಗಡೆ ಒಬ್ಬ ದೈತ್ಯ ದೇಹಿ ಗೊಗ್ಗಯ್ಯ ಗುಬೇಕಣ್ಣಿನವನು ಗುರ ಗುರ ಅಂತ ಒಂದೇ ಸಮನೆ ಗುರಾಯಿಸ್ತಾ ಇದ್ದ.. ರಾತ್ರಿ ಬೇರೆ... ತಿನ್ನೋ ತರ ನೋಡ್ಕೊಂಡು ಅವಾಗವಾಗ ತುಟಿ ಬೇರೆ ಕಚ್ಕೊತಾ ಇದ್ದ ಹಾಳಾದವ.. ನಾನೂ ಆಗಿನ್ನೂ ಇಪ್ಪತ್ತರ ಹರೆಯದ ಅಮಾಯಕ ಮುಗ್ದ.. ನನ್ ಲೈಫಲ್ಲಿ ಮೊದಲ ಸಲ ನನ್ನ ಶೀಲದ ಮೇಲೆ ಭಯ ಶುರುವಾಯಿತು.. ಹುಡುಗರಿಗೂ ಆ ಲೆವೆಲ್ ಗೆ ಮಾನದ ಮೇಲೆ ಮರ್ಯಾದೆ ಭಯ ಇರತ್ತೆ ಅಂತ ನಂಗೆ ಗೊತ್ತಾಗಿದ್ದೆ ಅವಾಗ.. ಎರಡು ಸ್ಟಾಪ್ ಆದ್ರೆ ನಾನು ಇಳಿಬೇಕು ಆ ಗೊಗ್ಗಯ್ಯ ಯಾಕೋ ಹೆಂಗೆಂಗೋ ನೋಡ್ತಾ ಏನೇನೋ ಆಡ್ತಾ ಇದ್ದ ಒಂದೂವರೆ ಕಿಲೋಮೀಟರು ನಿರ್ಜನ ಪ್ರದೇಶದಲ್ಲಿ ಬಾಯಿ ಬಡ್ಕೊಂಡು, ಬೊಬ್ಬೆ ಹೊಡೆದರು ಕೇಳೋರು ಯಾರು ಇಲ್ಲಾ.. ಇವನೋ ದೈತ್ಯ ದೇಹಿ ನನಗೆ ಅಂತ ಚಳಿಯಲ್ಲು ಬೆವರು ಕಿತ್ಗೊಂದ್ ಕಿತ್ಗೊಂದ್ ಬರ್ತಿತ್ತು...
ಇವನ್ಯಾವನೋ ''ಗೇ'' ನೆ ಇರಬೇಕು ನನ್ನ ರೇಪ್ ಮಾಡಕ್ಕೆ ಬಂದ್ರೆ ಕೊಲೆ ಮಾಡಿ ಜೈಲು ಸೇರೋದೇ ಅಂತ ಡಿಸೈಡ್ ಮಾಡಿ ಧೈರ್ಯ ತೊಗೊಂಡು ಸುಮ್ನೆ ನಿಂತಿದ್ದೆ...!!
ಅವನೋ ಎಲ್ಲರನ್ನು ಬಿಟ್ಟು ನನ್ನೇ ನೋಡ್ತಾ ಇದ್ದ... ಕೇಳೋಕೆ ಮೀಟರ್ ಇಲ್ಲ.. ಯಪ್ಪಾ ಬ್ಯಾಡ ನನ್ ಪರಿಸ್ಥಿತಿ.. ಹುಡುಗರಿಗೂ ಆ ರೇಂಜ್ ಅಲ್ಲಿ ಶೀಲದ ಮೇಲೆ ಭಯ ಇರತ್ತೆ ಅಂತ ಅಂದ್ಕೊಂಡಿರಲಿಲ್ಲ.. ಪಾಪ ನಮ್ ಹೆಣ್ಮಕ್ಳು..!!
ಸದ್ಯ ದೇವರು ದೊಡ್ಡವನು ನಾನು ಇಳಿಯೋ ಹಿಂದಿನ ನಿಲ್ದಾಣದಲ್ಲಿ ಆ ಗೊಗ್ಗಯ್ಯ ಇಳಿದು ಹೋದ ಆಸಾಮಿ.. ಅವಾಗ್ಲೇ ನಂಗೆ ಧೈರ್ಯ ಬಂದಿದ್ದು..!!
ಉಸ್ಸಪ್ಪ ಇದು ತುಂಬಾ ಸಿಲ್ಲಿ ಅನ್ನಿಸಿದ್ರೂ ಆ ಟೈಮ್ ನಲ್ಲಿ ನನ್ನ ಕತೆ ಯಾವ್ದಾದ್ರು ಮೋಹಿನಿಗೆ ಪ್ರೀತಿ ಆಗ್ಬೇಕು..!!