ಮೋಹಿನೀ ಅಯ್ ಲವ್ ಯು..!!

ಕೆಲವು ವರ್ಷಗಳ ಹಿಂದೆ ನಂಗೆ ಒಂದು ಆಸೆ ಇತ್ತು.. (ಈಗಿಲ್ಲ ಬಿಡಿ).. ನಾನು ಮೊದಲಿಂದಾನು ದೆವ್ವ ಭೂತ ಪಿಚಾಚಿನ ಇಷ್ಟ ಪಟ್ಟವನು.. ಒಂದು ಸಲನಾದ್ರು ಮೀಟ್ ಮಾಡಿ ಹಗ್ ಮಾಡ್ಬೇಕಂತ ಅಂದುಕೊಂಡಿದ್ದೆ..!! ಎಲ್ಲಾರ್ನು ಎಷ್ಟು ಚೆನ್ನಾಗಿ ಹೆದರಿಸತ್ತೆ ಅದು.. ಅದಕ್ಕೆ ದಯೆ ಕರುಣೆ ಹ್ರದಯ ಕಿಡ್ನಿ ಕಲಿಜ ಅದು ಇದು ಸುಡುಗಾಡು ಸುಂಟಿ ಏನು ಇಲ್ಲ ಅಂತಾರೆ. ಅದಕ್ಕೊಸ್ಕರನಾದ್ರು ನೋಡೋಣ ಆಮೇಲೆ ಮುಂದಿನದ್ದು ಬಂದಂಗೆ ಎದುರಿಸಿದ್ರಾಯ್ತು ಅಂತ ಯೋಚನೆ ಮಾಡ್ತಾ ಇದ್ದೆ... ಯಾಕಂದ್ರೆ ಅದು ಅದರಾಗೆ ಇರತ್ತೆ ಅದರ ಕೆಲಸನ ಅದೇ ಮಾಡತ್ತೆ ಅದಕ್ಕೆ ಒಳಗೊಂದು ಹೊರಗೊಂದು ಗೊತ್ತಿಲ್ಲಾ ಹಾಲಿನಂತ ಮನಸ್ಸು ಅದರದ್ದು.. ಮನುಷ್ಯರ ತರ ಮೇಲೆ ಕುರಿಮುಕದ ಹೆಬ್ಬಾವು ಅಲ್ಲಾ ಅದು..!! ಪ್ರಾಮಾಣಿಕವಾಗಿ ಕಾಟ ಕೊಡತ್ತೆ.. ಪೀಡಿಸತ್ತೆ..!!
ಅದರಲ್ಲೂ ಮೋಹಿನಿ ಆದ್ರೆ ಏನೋ ಒಂತರ ಸೆಳೆತ ಇಂಗ್ಲಿಷ್ ಅಲ್ಲಿ ಕ್ರಶ್ ಅಂತಾರಲ್ಲಾ ಅದು ಇತ್ತು.. ಎಸ್ಟೋ ಸಲ ಹಳ್ಳಿಗೆ ಹೋದಾಗ ರಾತ್ರೋ ರಾತ್ರಿ ಅದನ್ನ ಹುಡುಕಿಕೊಂಡು ಹೋಗಿದ್ದು ಇದೆ..ಯಾಕಂದ್ರೆ ಮಾಡ್ರನ್ನು ಮೊಹಿನಿಗು ಸಿಟಿಲಿ ಇರೋ ಹುಡುಗಿಯರಿಗೂ ನಂಗೆ ವ್ಯತ್ಯಾಸನೆ ಗೊತ್ತಾಗಲ್ಲ.. ಇನ್ನೊಂದೆನು ಅದರ ಮೇಲೆ 'ಅದು' ಬರಕ್ಕೆ ಕಾರಣ ಅಂದ್ರೆ ಮೋಹಿನಿ ಹುಡುಗಿಯರ ತರ ಚೇಂಜ್ ಆಗೋಲ್ಲ ಅದೇ ಹಳೆ ಬಿಳಿ ಸೀರೆನ ಇನ್ನು ಬಿಟ್ಟಿಲ್ಲ ಅಂತ ನಮ್ಮಜ್ಜಿ ಹೇಳ್ತಾ ಇದ್ರು.. ಬಟ್ಟೆನ ಬದಲಿಸದವಳು ಬಾಯ್ ಫ್ರೆಂಡು ನ ಬದಲಿಸಲ್ಲ ಅನ್ನೋ ನಂಬಿಕೆ ನನ್ನದು..!!

ಅದಿಕ್ಕೆ ನಾನು ನಮ್ಮ ಹುಡುಗರಿಗೆ ಹೇಳೋದಿಷ್ಟೇ ... ಹುಡುಗಿಯರಿಗಿಂತ ಮೊಹಿನಿನೆ ಬೆಷ್ಟು.. ಯಾಕಂದ್ರೆ ಅದು ಬದಲಾಗೊಲ್ಲಾ.. ನಿಮ್ಮನ್ನ ಬದಲಾಯಿಸೋಲ್ಲ... ಕಾಟ ಕೊಡೋದು ಎಲ್ಲಾ ಹುಡುಗಿಯರ ಕೆಲಸ ಅದನ್ನ ಪ್ರಾಮಾಣಿಕವಾಗಿ ಮಾಡುತ್ತೆ..!! ಯೋಚನೆ ಮಾಡಿ ಹುಡುಗರೆ..!!
ಯಪ್ಪಾ ನನ್ ಮೋಹಿನಿ ನಂಗೆ ಕಾಲ್ ಮಾಡ್ತಾ ಇದಾಳೆ.. ಬರ್ತೀನಿ ಬಾಯ್..!!